الصفحة الرئيسية › متفرّقات

متفرّقات تضامنا مع مبادرة مرام ومرضى السرطان: شكون إلي ڨال البسمة بعد الشڨا في الوجه متتزرعش..

بقلم مريم العبيدي

شكون ڨال الشعرة إلي إطيح مترجعش..

شكون إلي ڨال البسمة بعد الشڨا في الوجه متتزرعش..

شكون ڨال الداء هذا مالوش دواء..

شكون ڨال معادش لا شفقة لا رحمة وزمان الخير مشى وتنسى..

شكون ڨال الوجيعة متخفش والدمعة متجفش..

ضحكة تخفف وتهدي...

كلمة تواسي وتنسي..

المرض وجيعة وغبينة جبل يهد الكتاف ويوفي البكاء ما يخفف...

والصوت ميوصل.. البدن مينجم والڨلب يقاوم بش يعيش..

وأنا وإنت وأنتم وهو وهي وهوما وين..

الدموع والكلام يواسوا والفعل ينجم يحيي ويخفف...

أما زادة حتى بمليم..

تنجم تعاون تنجم تحيي وتنقض صغير وكبير...

تنجم تڨول للمرض إنت وحدك وأحنا إيد في إيد مش مسلمين.